Natasha Turner
Int lewza morra
Mlaqqma bi tnehida
Biex tagħti frotta barranija .
Surtek u t-togħma
Biddilt
Ma kull tilqima .
Art xotta
għax
Pierot waqaf jibki
U Pul`inella jidħaq bla jaf il-għala .
’Mma l-qamar
baqa' jgħanni l-istorja ,
u l-istilel madwaru , b’kor mutu ,
jgħannu mieghu .
L-għerien ukoll waqqfu widnejhom
biex jisimgħu leħen il-passat
f’diwi mas-swar ,
‘imma l-ħemda tal-lejl inkissret
bil-leħen
tal-preżent….
……..tiegħi u tiegħek .
Bil-mikrofonu f’idejna
Biex forsi ninstemgħu bl-eku
Nagħjtu li ma rridux nibqgħu ngħixu
fl-għoljiet ta skart .
It-Torri ta Babel waqa'
Għax ħadd ma fehem lil ħadd
Imma l-qamar baqa' jgħanni
Leħen il-passat.
L-Għanja ta'
l-Estinti
Estinti
Jien
u inti,
Disinn
astratt.
Fossila
fil-blat.
Estinti
Jien
u inti,
Susa
tat-tifkiriet;
kultura u ġrajjiet.
Ma
kull ġenerazzjoni,
Tingħaqad ħolqa ġdida,
Fil-katina
taż-żmenijiet.
Imma
tagħna;
fejn hi tagħna?
“Skużana,
għandna
hangover,
kelna wisq festi u ikliet”.
Armejna
żmieġna fl-art
biex nibnu għoljiet ta’ skart.
Dfinna
l-għeruq,
f’kulma rajna suq.
Sirna
biss illużjoni
bla spirtu;bla passjoni.
Wirt
l-istorja qed imut.
Postu
ħadu
wirt il-but.
Turista
f’art twelidi
F’id
il-barrani r-riedni.
Imma
l-ġebel tas-sejjiegħ,
bħal
weraq tan-nanniegħ,
jibqa’ jfawwar il-memorji,
ta’
storja mimlija glorji.
Lejna
jħares
b’arja ta’ diżappunt.
B’nostalġija
jgħanni
Dak
li raw l-ixtut.
Finti
Jien
u inti
Noti
kiesħa
fl-Għanja ta’ l-estinti.